К 1000-летию единения России и Мордовии
Вечкевикс Россиясь
ды Мордовиясь.
Эрьва ломанесь эсь седейсэнзэ кирди
покш вечкема эсь чачома ёнксонтень. Тезэнь сон чачсь, кассь, теинзе васенце
эскелькссэнзэ, тонадсь явомо беряненть паронть эйстэ. Ков илязо кандо ломаненть
эрямось,
тиринь ёнксось зярдояк а
стувтови, ансяк эсь тиринь масторсо ули ёвтнемс весе апародот ды кеняркстот.
Неть таркатнесэ стувтови весемесь, мезесь эйсэть ризнэвти, вишкинят тон эли
покшат. Ещё вишкинестэ минь марясынек неть валтнэнь: Авай, Кудо, Кши, Ялга. Неть
валтнэ кармить миненек сехте питнеекс ды вечкевиксэкс,
секс што сынь кандыть вейке чарькодема-
Чачома Мастор!
Монь тиринь мастором- вечкевикс Мордовиям- ашти прок кутмордазь, Россия
марто.
Ков иля варшта- кеме ды вечкевикс
Россия. Теке кавто патят-сазорт, мельцек эскелить кеме эскелькссэ Россия ды
Мордовия,
яла икелев ды икелев…
Те ояксчись
чачсь
пек умонь шкасто.
Вейсэндинзе кавто народтнэнь вейке зыянось,
зярдо минек масторонть лангс каявсть яттнэ. Зяро ломанень пси сельведть валозь
тиринь масторонть мештензэ лангс. Неть сельведтне ды тиринь масторонтень
вечкемась кармавтынзе рузтнэнь ды эрзятнень вейсэндявомс вейс.
Ламо шка ютась , ламо ведь чудесь, ламо разт савкшнось идемс тиринь
масторонть яттнэнь эйстэ. Эзть тандадо сынь мездеяк. Ансяк седеяк кемекстась
ояксчись кавто ушмодей народтнэнь ютксо.
Монь седейсэ покш кеняркс , што чачинь Мокшэрзянь масторсо. Минек
мокшэрзянь раськесь ловови финно-угорской кельтнень семиянь ломантнестэ сехте
покш народокс. Сон ютась кувака ки ды неень шкас ванстынзе эсь коензэ-кирданзо.
Ламо пежетьксэнь пачк савсь мокшэрзянь ломантненень ютамс, штобу пачкодемс
валдо , уцяскав эрямонтень.Савсь вейсэндямс весе вийтнень ,стямс кедте кундазь,
лавтодо лавтовс ,штобу ютамс стакачитнень пачк. Аволь истяк сёрмадсь Н.П.Рычков:
«Эрзятне-мокшотне - те истямо народ, конань эряви лемдемс модань алкуксонь
сокицякс-видицякс. Сонзэ весе эрямозо юты важодемасо. Сюпавчизэ, ули-парозо
–модасонть, конань мельга сон яки паро азоркс, паролгавты эсь кедь вийсэ».
Ламо пек содавикс ине ломанть чачсть Мордовиясо. Весе минь
содасынек Мокшэрзянь масторонь идицятнень ды
ушмодейтнень-Пургазонь, Эрзямасонь Олёнань ды ламо-ламо лият, конат пси
верьсэст валнызь тиринь моданть, максызь эрямост тень кис, штобу минек раськесь
эряволь уцяскав эрямосо.
Ламо рузонь содавикс ине ломанть путсть покш вий мокшэрзянь народонть
культурань касомантень: В.Г.Белинский, Л.Н.Толстой, А.М.Горький, се шкане
Мордовиясо арасель эсест мокшэрзянь национальной литератураст.
Арась истямо ломань Мордовиясо, конась а содавлизе ине рузонь
адмиралонть Ф.Ф.Ушаковонь. Сон ютавтсь ведьгеменде ламо тюремат ды изнясь сынст
эйсэ. Калмазь Ф.Ф.Ушаков Санаксорской монастыренть ваксс,
аволь васоло Темникова ошонть эйстэ.
Степан Дмитриевич Нефёдов- ине скульпторонок, сон истя вечкилизе
Мокшэрзянь масторонть, што сайсь эстензэ лем Эрьзя. Минек Саран ошсо ули сонзэ
лемсэ музей, косо аштить сонзэ скульптуранзо.
Зярдо кармась Великой Отечественной войнась, минек мокшэрзянь ломантне
виень апак жаля тюрсть фашистнэнь каршо. Кавксоньгеменде ламо ломанть получасть
Героень лем: С.А.Полежаев, АГ.Котов, М.П.Девятаев и ламо-ламо лият.
Улить пек ламо содавикс морыцянок: М.Антонова, Н.Кошелева, Н.Кадышева,
А.Куликова. Сынст мазый вайгелест гайги весе масторлангонть
келес.
Пек ламо содавикс таркат улить Мокшэрзянь масторсо. Улить пек ламо
монастырть: Санаксарской, Дивеевской,
Покровскойсэ ули цёрань монастырь, эрьва чи тей сакшныть ламо ломанть
Улить музейть: краеведческой , С.Эрьзянь
лемсэ музей,
весемезэ Мордовиянть
келес
сынст эйстэ 18.
Темниковасо ули покш заповедник, косо
кирдевить пек ламо идем ракшат, ванстовить ёмиця тикшетне, панготне, куракштнэ.
Пек ламо тонавтнема таркат минек Саран ошсо, косо тонавтнить аволь ансяк
Мордовиянь студентт, но и омбомастороньгак.
Улить пек ламо заводт, конатне теизь минек Мокшэрзянь масторонть
содавиксэкс весе масторлангонть келес: «Лисма»,
«Ламзурь», АО «Мордовспирт», Чамзинкань цементэнь заводось. Весе ,мезе
сынь нолдыть, туи омбомасторгаяк.
Улить пек ламо оймсема таркаткак. Ули «Мокша» санаториянок, тей сакшныть
оймсеме лия регионсто , секс што
тесэ
таркатне пек мазыйть, коштось ванькс.
Остатка шкане минек Мокшэрзянь масторось седеяк мазылгады, сюпалгады.
Ламо учёнойть,
политикть , экономистт,
писательть ваныть тень мельга ды дивсить , кода бойкасто, прянь кепедезь, кеме
эскелькссэ моли
икелев Мордовиясь
Россиянть марто вейсэ. Мордовиянть изнявксонзо
парсте содасызь аволь ансяк Россиясо,
но
и масторлангонь келес.Эсь тиринь масторонтень пси вечкемась максы
мокшэрзянь
ломантненень покш
вий , штобу
ванстомс сонзэ
ды седеяк сюпалгавтомс .
Тедеде Мордовиясо ушодовсть тевтне-валтнэ, конат алтавить Мокшэрзянь
раськетнень Русентень совамонь вейке тыща иетненень. Те Мордовиясо карми улеме
алкуксонь Покш чикс, кона седеяк кемекстасы мокшэрзятнень ды рузтнэнь ютксо
ояксчинть. Ды ансяк ояксчисэ эрязь ультяно виевекс ды уцяскавокс. Ансяк вейсэ
тенек ванстови ды кемекстави минек ине тиринь ёнксонок- Россиясь!
Тэги:
кеме ялгат,
мордовия,
Россия,
эрзят
